شكد احبك؟؟؟؟؟

شكد احبك
احبك اكثر من الحب و احب الصمت بعيونك
و احبك من صغر سنك و احب اللي يحبونك
و احب كل الهدوء البيك واحبن رمشة عيونك
و احب اسمك واحب طاريك و احب اتغزل بلونك
و احب دوم ابقه انه وياك و اكللك صرت مجنونك
يلتسري ويه دمي و بالنفس موجود
يالشعرك شمس تلمع عله متونك
انت الناس وانت الاهل والاحباب
و انت اللي اختصرت الكون بعيونك
يالعشكك عشك مفضوح
اضم اشلون عن الناس اذا بعيوني يقرونك
عشكتك عشك شيعي لكبه العباس
مزاري انت وانه الشيعه اليزورونك
و عشكتك عشك مسلم صايم بتموز
وانت الماي و انه اللي يشربونك
احبك يشهد الله وكافل العباس
و موتي ايصير اذا عني يبعدونك


م. وسام الجاف
__________________

الموضوع عن جد موضوع رائع نتمنى استمرار تالقق وان تظل ريشتك منبرا من منابر منتداك " العشق والسكون"

Admin كتب:

الموضوع عن جد موضوع رائع نتمنى استمرار تالقق وان تظل ريشتك منبرا من منابر منتداك " العشق والسكون"

الادارة
admin

سعدني ان تكون اول من يرد على الموضوع بصراحه وتتلون صفحتي بلون وعطر خاص حين تكون متواجد اخي الكريم
شكرا جزيلا

الله عليك يامبدع
حبيب قلبي ربي يخليك الي وسام تسلم ياروح قلبو